Magic Sarap ni Pedro




First time makakita ni Juan ng Magic Sarap kaya naman inusisa niya si Pedro kung para saan ito.

JUAN: Pare, para saan ba itong binili mong Magic Sarap?

PEDRO: Bro, ganito yan. Kapag may crush ka pero hindi ka type, gumamit ka lang niyan.

JUAN: But, how?

PEDRO: Ipahid mo lang sa buong katawan mo. In an instant, masarap ka na para sa kanya!

JUAN: Talaga pare? Sige masubukan ko nga mamaya.

PEDRO: Sige bro, siguraduhin mo lang na maliligo ka sa mainit na mantika ha.

JUAN: Buset!

Kulang ang Bayad




Dahil nagmamadali na at male-late na sa work ay pumara na si Pedro at nagbayad ng pamasahe sa Jeepney...

PEDRO: Manong, para po... sa tabi lang! Heto po pala ang bayad ko...

DRIVER: Hoy! Kulang pa ng Piso ang bayad mo, hindi ka naman estudyante!

PEDRO: Ah, ganun po ba? Sige, paki-atras na lang po ng konti para sumakto na. Kung maka-hoy, akala mo kung sino.

Ang Wish ni Lolo




Habang naglalakad sa beach shore ang isang 75 years old na Lolo ay may nakita siyang inaanod at kakaibang Lampara. Dinampot niya ito at pinunasan para mabilis na matuyo, nang biglang may lumabas na usok dito.

LOLO: (Umubo dahil sa kapal ng usok)

GENIE: Ha-ha-ha!!! Ano po ang maipaglilingkod ko sa inyo aking bagong Master?

LOLO: Damuho ka! Sino ka ba at bakit kailangan may pausok?

GENIE: Master, ako po si Genie Santos, ang tagapangalaga ng magic lamp na hinimas mo. Maaari ko pong tuparin ang iyong tatlong kahilingan.

LOLO: Ah, ganun ba hijo? Sige, para sa first wish ko... gawin mong mas bata sa kin ng 25 years ang aking beautiful wife.

GENIE: Masusunod po, Master!


Umusok ulit nang bonggang-bongga at naubo na naman si Lolo...

LOLO: Lintek! Pwede bang wala na yung mga pausok effect mo? Teka, anong nangyari, bakit parang nanghihina ako?

GENIE: Master, tinupad ko na po ang inyong kahilingan. Ginawa kitang 100 years old.

LOLO: Eh di, wow! Tindi mo eh...